SORALUZE-PLACENCIA. DV. Bailarako gainontzeko herrietan baden edo izateko bidean den modura, Soraluzek ere badu bertako aditzen bilduma.
Arianne eta Egoitz Unamuno anai-arrebak arduratu dira herriko aditzen berezitasunak identifikatu eta liburuxka batean ipintzen.
Badihardugu Euskara Elkarteak eman du argitara gidaliburua, Soraluzeko Udalaren laguntzarekin. Ikastetxeetako eta euskaltegiko irakasleentzat,
Euskara ikasleentzat, hika ikasi nahi duenarentzat, hau edo bestea zela esaten den zalantzak argitu nahi dituenarentzat, euskaraz bizi nahi duen edozein soraluzetarrentzat egokia dela iritzi diote egileek. Asmo horrekin osatu dute behintzat.
Erabilitako iturriak Josu Izquierdok jasotako aditzen bilduma eta San Andres auzoko sei hiztunen testigantzak izan dira. Horri eskerrak, 18 orrialdetan, indikatiboa, baldintza, ahalera, subjuntiboa eta aginterako aditz-taulak daude, adibideez lagunduta, zuka zein hikakoak.
Urriaren 15ean, arratsaldeko zazpiretan egingo dute aurkezpena kapillan. Hizlariak, Egoitz Unamuno, Arianne Unamuno eta Mikel Santiago izango dira. Gonbidatu berezien artean, San Andres auzoko hiztunak eta Josu Izquierdo eta Santos Izagirre irakasleak izango dira, besteak beste. Bertaratzen direnek liburuxka dohainik eskuratzeko aukera izango dute. Bestela, Pil-pileanen, Iratxo goxodendan eta udaletxean eskuratu ahal izango da, hiru euroren truke.
Antxitxika krosa
El 31 de octubre, a las 17.00 horas, se celebra el V Antxitxika Krosa Plaentxi-Bergara. La carrera es de 10 kilómetros y podrá participar cualquier persona nacida antes del 31 de octubre de 1993. Las inscripciones pueden hacerse desde ahora hasta el 28 de octubre. A lo largo de ese período el precio será de 10 euros y el día de la carrera de 15. Por cuadrillas el precio será de 25 y 35 euros respectivamente.
