DV. Larunbatean egindako eguraldi txarrak ez zuen Igartubeiti Baserri Museoan antolatutako ekintza hutseratu, guztiz kontrakoa, eta bertara hurbildu ziren zazpi gaztetxoek, pelikula berezi bat aurrera eramateko aukera izan zuten.
Pelikularen istorioa prestatu, gidaoitxo bat idatzi, pertsonaiak zeintzuk izan behar ziren aukeratu, zuzendaria, makillatzailea... eta guztia prest egon ondoren lanean hasi ziren gaztetxoak, hezi-tzailea eta guraso baten laguntzarekin batera. Ez zitzaien ezertxo ere falta izan, bideo kamera batekin hau grabatzen aritu zirelarik, eta ezin hobeto igaro zuten larunbateko arratsaldea, eszenatokiak aldatzen, aurpegiak margo-tzen eta lagunekin jolasean.
Tailerra
Asteburu honetan ere beste tailer didaktiko bat egongo da interpretazio zentruan, hilabeteko azkena denez hau berezia izango delarik.
Arratsaldeko 16:30ean hasiko da tailerra eta 18:00 arte marmelada egiten ikasten egongo dira gaztetxo eta familiak. Ekintza amaitu eta 19:00ak arte Igartu merienda dastatzeko aukera izango dute bertaratutako guztiek.
Ekintza hau aurrera eramateko Abaltzisketako Nahera Haundiko artisauak etorriko dira. Hauek marmeladak aintzinako erara laboratzen dituzte, oinarri bezala fruita eta kainako azukre ekologikoa bakarrik erabiltzen dituztelarik. Eraldaketa guztia eskuz egiten da laboratzen dituzten fruita desberdinen ezaugarriak kontutan hartuz. Arratsalde gozoa izango da benetan.
