23.07.09 -
Mikel Olano, Rafael Uribarren eta herriko agintariak udaletxean bildu dira.
DV. Gipuzkoako diputatu nagusia, Markel Olano Errezilen izan zen atzo eta bertan Errezilko udalak martxan dituen proiektuak eta herriaren gaur egungo errealitatea ezagutu ditu. Bisitaldian diputatu nagusiarekin batera, Landa Ingurumena Garapeneko diputatua, Rafael Uribarren izan da.
Herriko alkateak, Iñaki Oiartzabalek , beste udal zinegotziekin batera hartu ditu herriko plazan eta segidan udaletxean bildu dira. Bertan Errezilgo Herri Planean oinarrituta dituzten egitasmoen berri eman diote. Hala nola, oinarrizko zerbitzuak lantzeko programa, baserrietako bide sareak mantendu eta berritzeko lanak herrian egiten ari diren etxe berrien egoera edota ludoteka.
Bestalde, udaletxera eta eskolara iristeko bidea hobetzeko hartu dituzten neurriak aurkeztu dizkiote eta baita argi indar sarea eguneratzeko dituzten asmoak. Errezilen egonik bertako sagarraren ekoizpen, salmenta eta irudiari bultzada emateko ekimenen berri ere eman diote. Markel Olanok Errezilgo etorkizuna bermatzeko proiektuetan diputazioa lagun izango duela adierazi du, «herrien etorkizuna bermatzea Gipuzkoaren oreka bermatzea delako».
Bileraren ondoren, diputatu nagusia, alkatea eta beste agintariak herriko hainbat kale eta azpiegitura bisitatu dituzte.
