Zumaia
Zortzi txakurrek hartuko dute parte Gernika parkean arratsaldeko 6etatik aurrera
04.07.09 -
Beraien trebezia erakutsi beharko dute ardi txakurrek Gernika parkean. /ROMATET
DV. Gipuzkoako ardi txakur onentsuenetakoak lanean izango dira gaur arratsaldean Zumaian, izan ere, 18:00etan hasita Gipuzkoako ardi txakur lehiaketako kanporaketa bat jokatuko da Zumaian, Gernika parkean, hain zuzen ere,
Hasiera batean Narrondo auzoko San Kristobal jaiekin batera antolatu izan da urtero mota honetako saio bat. Azken urteetan, baina, Zumaiako San Pedro jaien inguruan ikusi ahal izan dira txakurrak lanean. Orain urte batzuk Alai auzategian zegoen zelaigunean aritu ohi ziren korrika; azken bizpahiru urteetan, berriz, Gernika parkera mugitu da kanporaketa hau.
Zortzi izango dira lanean arituko diren txakurrak: Mikel Garayarren Mendi (Narrondo), Jose Antonio Arrillagaren Lagun (Elgoibar), Jose Ramon Orbegozoren Alai (Arantzazu), Peio Segurolaren Artzai (Matximenta), Inaxio Etxeberriaren Kimi (Azpeitia), Jose Luis Saizarren Rexx (Zarautz), Peio Pagaozabalen Ikatz (Aia) eta Joseba Arrizabalagaren Argi (Elgoibar).
Agility saioa
Gaur arratsaldekoa ez da izango txakurrekin zer ikusia duen saio bakarra. Datorren larunbatean, txakurren agility ikuskizuna egingo da Zumaian, Gernika parkean baita ere, 18:00etatik aurrera.
Zaragozako 'L'Almozara show team' izeneko taldearen eskutik dator ikuskizun hau. Bertan txakur hauek beraien trebezia erakutsiko dute bainbat probatan.
