Uztailaren 24ra bitartean ekintza ugariz jositako programaz gozatuko dute 240 haurrek. Urtero Udalak Euskara Batzordearen bidez antolatzen duen uda ikastaroa atzo jarri zen martxan 21 begiraleen gidaritzapean. Umeen adinaren arabera, joku eta irteera desberdinak burutuko dituzte datozen hiru asteetan zehar eta uztailaren 7an, San Ferminak ospatuko dituzte plazatik ikastolara egingo den entzierroarekin. 24ean berriz, ikastaro amaierako jai berezia egingo dute. Aurten 25 urte betetzen dira guraso elkarteak lehen uda ikastaroa antolatu zuela.
