DV. Aurtengo Kilometroak Donostiako Zurriola ikastola antolatzen ari da eta ikastola horretakoxe ikasle ohi batzuek egin dute kanta ofiziala. Hamabost bat urte zituztela ikastolako Musika Eskolan jardun ziren, duela gutxi Xikinkei taldea osatu zuten, doinu oso gogorrak dituzte maite eta, orain, hogei bat urte dituztelarik, hIREKIn MUNDURA abestiko musika egin dute. Letra ere etxeko batek egina da, ikastetxe horretako gurasoa den Xabier Elortzak, hain zuzen ere.
Xikinkei taldea osatzen duten lagunak hauek dira: Iñigo Etxarri (ahotsa), Beñat Antxustegi (gitarra), Alex Barrena (baxua) eta Eneko Etxebeste (bateria). Laster sakabanatzera omen doa laukotea, ikasketak direla-eta.
Oso rock gogorreko doinua egin zituzten lagunok hasieran. «Metalero puntua zeukan doinu horrek eta Kilometroetako arduradunek esan ziguten pop kutsu piska bat emateko, dantzagarriago uzteko», esan zuen atzoko aurkezpenean Doctor Master estudioko Eñaut Gaztañagak. Gero Elkar reko estudioan grabatu zuten.
Bestalde, kanta www.kilometroak.net helbidean egongo da zin-tzilikatuta, nahi duenak deskargatu eta zabaldu dezan.
