12.06.09 -
DV. Bihar iluntzeko 22:30etik aurrera, Herri Antzokian, Kepa Junkera trikitilariak, bere disko kolezioko azken lanaren aurkezpena egingo du, eskainiko duen kontzertuan.
Kontzertu honetan, diskoan bezelaxe, Melonius Quartet taldearen laguntzaz arituko da. Antzokian duen asientu kopurua kontuan izan da, komeni da sarrerak (15 eurotan) aurrez eskuratzea. Sarrerak eskura dira herriko taberna eta denda guztietan eta baita ere Lazkaoko Gerriko liburutegian. Azken momentuan, sarerarik geldituko balitz, antzokiko lehiatilan bertan ere bai.
Herriko Musikariak
Otso Festako egitarauaren barruan, gaur 18:30ean hasita, Lazkao Txiki Musika Eskolako haur eta gaztetxoek eta Otsoak dantza taldeak kontzertu-emanaldi bat eskainiko dute. Ikasturtean zehar egindako aurrerapenen erakusketa bat eskaintzea dute helburu.
