GETARIA
Ordutegia: goizez 10:00etatik 13:00etara eta arratsaldez 16:00etatik 19:00etara
15.04.09 -
DV. Turismo Bulegoaren ondoan apirilaren 9an zabaldu berri den Arkeologia Museoa igandera arte egongo da zabalik momentuz, aurrerantzean asteburutan soilik eta udan egunero irekitzea aurreikusten delarik, oraindik ere datu hauek zehaztear egon arren.
Arkeologia Museo honetan jasotzen dira azken urteetan herrian eginiko indusketetan jasotako hainbat aztarna, erromatar garaitik aurrera Getariako historia jasoz, panel informatiboetan azalpenekin lagunduta. Bertan mantentzen dira ere iazko Elkanori buruzko erakusketako zenbait gauza, hala nola Zuloagaren kuadroa, Elkanoren bidaiak jasotzen dituen munduko mapa, edota Elkanoren bizitzari buruz eginiko bideoa, 15 mintutukoa, azken hau salgai dagoelarik 3 euroko prezioan Turismo Bulegoan bertan.
Mueoak Turismo Bulegotik du sarrera, eta hau bezala igandera arte goizez 10:00etatik 13:00etara eta arratsaldez 16:00etatik 19:00etara izango du ordutegia, gaur asteko atsedenagatik itxita egonik. Sarrera museoa bisitatzeko: 3 euro helduentzat, eta horren erdia jubilatu eta 12 urtetik beherako haurrentzat.
