ORIO
'Bidai intimoak' dokumentalaren proiekzioarekin, zazpietan kultur etxean
24.03.09 -
Jon Maiak eskainiko du gaur dokumentala.
DV. Orioko Korrika batzordeak kultur programa zabala antolatu du datozen bi asteetarako, eta programa horren lehendabiziko ekitaldia gaur izango da, arratsaldeko zazpietan kultur etxean, Jon Maiak landutako 'Bidaia intimoak' dokumentalaren proiekzioarekin.
Jon Maia bertsolari zumaiarrak zuzendutako dokumentala da 'Bidaia intimoak' izenekoa, aurtengo Korrikarako propio egina. Dokumentalean hainbat euskaldun berrik euskara ikasteko ibili duten bidea kontatzen da: nola erabaki zuten ikastea, zergatik eta nola hasi ziren, bide horretan izandako zailtasunak, emozioak...
Orioko Korrika Kulturalaren programazioak bihar jarraituko du, ordu eta toki berean Amets Arzallus bertsolariak eta Iñaki Txueka argazkilariak egindako 'Illimani: Boliviako izpiak eta hizkiak' ikus-entzunezkoaren proiekzioarekin. Ostiralean berriz, arratsaldkeo 16.45tan hizkuntza jolasak gaztetxoentzat Ametsa gaztelekuan, Txurrumuski taldeak antolatuta eta zazpietan, 'Soffing' izeneko antzerki lana gazteentzat kultur etxean.
