GETARIA
Antolatzaileek epea gaur arte luzatzea erabaki zuten, iragan astean sei bat talde zeudelarik antolatuta
20.03.09 -
Futbito txapelketa frontoian.
DV. Gure Txeruk antolatzen duen Xabi Iñurrita Memoriala Futbito Txapelketaren XI. edizioan izena emateko azken eguna izango dute gaur bertan parte hartu nahi duten taldeek, antolatzaileek iragan ostiralean epea luzatzea erabaki ostean.
Txapelketa antolatzeko bilera joan den ostiralean, martxoaren 13an, egin zuten Txeruko lokalean, bertara deituta zeudelarik parte hartu nahi zuten guztiak. Guztira sei bat taldek eman dute momentuz izena, horien artean talde berriren bat, beste urteetan parte hartu izan duten talde batzuk falta direlarik oraindik apuntatzeko. Hori dela eta, gaur arte luzatu dute epea, talde gehiego ere animatzen diren ikusteko.
Gipuzkoako Bira oinez
Bestalde Txeruk antolatutako Gipuzkoako Biraren bigarren etapa egingo da datorren igandean, martxoaren 29an, Mutriku eta Ukarregi arteko 18 kilometroko ibilbidea eginez. Autobusa goizeko 7:15etan abiatuko da Getariatik, arratsaldeko 14:30ak alderako aurreikusten delarik itzulera.
Oraindik ere zerrenda zabalik dago, ibilaldian parte hartu nahi dutenek datorren ostiralera arte, martxoaren 27ra arte izango dutelarik aukera Iruretagoiena drogerian izena emateko.
