DV. Joan den igandeko hauteskundeetan, EAJ eta Aralar izan ziren botu gehien lortu zituzten alderdiak baina, espero zen eran, gehiago izan ziren boto nuloak, 391 boto, erroldaren %33. Bestalde, esan dezakegu abstentzioa nahiko txikia izan zela, %26,78; 2005ean baino hiru puntu gehiago. Nuloak, berez, ez dira konparagarriak, baina duten erlazio politikoarengatik EHAKek 2005ean lortutakoekin konparatu beharko genituzte, eta 460 boto lortu zituen orduan, erroldaren %38.
Gaineratiko emaitzak hauek izan dira: PNVk, 224 boto; EAk, 10. Orain hurrengoan, bien artean 269 boto lortu zituzten, erroldaren %22 pasatxo; orain, berriz, PNVk %19 eta EAk %0,08. PSE-EEk 56 boto, erroldaren 4,75% eta 2005ean, 40 boto, erroldaren %3,33. PPk 16 boto izan ditu, orain hurrena baino 7 gutxiago. EBk orain lau urte 16 boto, aurten 10; Aralarrek 153 boto izan ditu, erroldaren %13 ia-ia; 2005ean 110 boto lortu zituen, erroldaren %9. Ondorio gisa esan dezakegu Aralar izan dela benetako irabazlea, %4 igo baita; alderdi sozialistak ere gora egin du, %1,5 inguru.
Gasteizen
Bestetik, zaldibitar bat eseriko da Gasteizko hurrengo legebiltzarrean: Garbiñe Mendizabal. Gipuzkoako PNVren zerrendan lortu du kargua.
