EZKIO-ITSASO
Errepideak garbitu ondoren berriro zuritzen ziren denbora eskasean
07.01.09 -
Elurra kentzeko makina pasa arren bideak zuritu ziren berriro. /M. GALILEA
DV. Goizetik hasi eta egun osoan zehar gelditu gabe egon zen elurra atzo. Herriko elurra kentzeko makinak lanean aritu ziren hau kentzen eta beharrezkoa zenean gatza botatzen, baina denbora gutxi igaro ondoren berriro zuritzen ziren bideak.
Dena den alde ederra nabaritzen zen beheko aldean eta goikoan dauden auzoetan. Santa Lutzi eta Alegin zuri ikusten ziren teilatuak, baina errepidea oso garbi zegoen eta kotxeek ez zuten problemarik izan.
Ezkiora eta Itsasora igotzeko berriz, arazoak zeuden errepidean. Bideak zuri zuri zeuden eta hauetara heltzeko dagoen aldapa kontutan edukita zaila izan zen arratsaldean auzoetara igotzea, irristatzeko arrisku handia baitzegoen.
Dena den, herria prestatuta dago eta gaurko egunean zehar elurra jarraituz gero lanera bueltatuko dira herrian dauden elurra kentzeko makinak herritarrak arazorik izan ez ditzaten etxetik irten eta kotxea hartzeko momentuan.
