URRETXU
Euskaraz ondo pasatzea izan zen atzoko eguneko helburu nagusiena
Belaunaldien arteko lotura izan zen atzoko egunean. /AGUADO
DV. Hezkuntza arloan ere Euskararen Eguna ospatu zen atzo. Argazkian Urretxu-Zumarragako Ikastolaren ikasleak festa giroan ikus ditzakegu. Euskaraz ondo pasatzea izan zen atzoko helburu nagusiena.
Ume helduenak eredu izan ziren txikienentzat. Gelaz gela pasa ziren ospakizunaren mamia esplikatzeko helburuarekin.
Geroago adin guztietako umeak elkartu ziren euskaraz jolastu ahal izateko.
Atzoko eguraldi kaskarrak ez zuen horretara asko ahalbideratu, eta ondorioz Kantubazkaria Ederrena pilotalekuan egitea iritzi zioten egokiena.
Hala eta guztiz ere, jarduera hau ez dute erabat baztertu eta aurrera begira, beste egunen batean egingo zutela jakinarazi zuten ikastolakoek.
