Espainiako Sustapen Ministerioko ordezkariak txistuka eta oihuka hartu zituzten atzo goizean udaletxeko arkupeetan Abiadura Handiko Trenaren desjabetze aktak sinatzera etorri zirenean. AHT Gelditu! elkarlanak deituta, hainbat herritar bildu ziren udaletxeko atean goizeko 8.30etan desjabetzen kontra egiteko. Funtzionarioei sarrera eragozteko ate aurrean eseri ziren. Ertzainek, indarra erabiliz, bultzaka eta arrastaka kendu zituzten bidetik. Funtzionarioak 9.00etan iritsi ziren baina desjabetze aktarik sinatu gabe bueltatu ziren «baldintzak betetzen etzirelako» alkatearen esanetan.
