AZPEITIA
23.11.08 -
Urola Kostako Koordinadora Feministako kideak .
DV. Urola Kostako Koordinadora Feministak prentsaurrekoa eskaini zuen atzo, larunbata, datorren asteartean, hilak 25, Emakumeenganako indarkeriaren aurkako eguna-dela eta, eskualdean ekintza desberdinak aurrera eramateko asmoz. Azpeitiko Bilgune Feministakoek, egun honi begira «ahalik eta emakume gehienen erantzun bateratua» lortu nahi dute.
Hiru ekintza antolatu dira Azpeitian: Ikastetxe desberdinetan kontzentrazioak egingo dira jolas orduetan. Kontzentrazioa deitu da gero,Herriko Plazan, 19.30ean. 'Instituzioen itxurakeria gehiagorik ez!Hitzetatik ekintzetara!' lemapean. Azkenik, Zine klubekoekin elkarlanean, Kadosh pelikula 21.00an Betharramistetan.
Bilgunekoen esanetan, «indarkeri gertaerak ez dira modu isolatuan eta pertsonalean ulertu behar. Arazo sozial eta estruktural baten aurrean gaude». Emakume taldeak eskaera egiten die instituzioei eta zurikeria eta itxurakeria gutxiago eskatzen die: «benetako konpromiso politikoa»-ren beharra azalduz. Azkenik, «erasotzen bagaituzte, defenda gaitezen.Ezin dugu gure segurtasuna eta bizitza beste batzuengan delegatu.Arazo sozial honi aurre egiteko beharrezkoa da emakumeok antolatzea, gure artean babestea, taldean eztabaidatzea eta espazio komunak eraikitzea», diote.
