GETARIA
Salbatore Deunaren Elizan eskaniko dute emanaldia 12:30etan
22.11.08 -
Getariako Abesbatza, kontzertuan, Salbatore Deunaren elizan.
DV. Azaroa Musikaz Blai ekimenaren baitan, Jazinto Isastik zuzenduriko Getariako Abesbatzak Xixili Donearen omenezko kontzertua eskainiko du bihar eguerdiko 12:30etan Salbatore Deunaren elizan, Santiago Banda organo-joleak lagunduta.
Emanaldia hiru zatitan banatua egongo da, lehen eta azken zatian abesbatza arituko delarik, eta erdikoan organoa entzuteko aukera izango delarik.
Egitaraua osatuko duten abestiak: Ama maitea, Ave Maria, Maitasun hitzak, Zugana naiez Jauna eta Maitia nun zira? (abesbatzak), Sonata de 5º tono eta Voluntary (Santiago Banda), Aurtxoa seaskan, Maitasun atzekabea, Un viejo amor, Euskalerria eta Illunabarra (abesbatzak).
