08.09.08 -
Bigarren urtez jarraian Mikel Jauregi burgumaisuak jaso izan zuen atzo Arma plazan gaur eskutartean eta tropa gidatzeko erabiliko duen aginte-makila.
Egungo ekitaldi nagusia izan zen. Jendea gainezka zegoen enparantza ohiko ekitaldia bertatik bertara ikusteko. Garai batean alkateak ematen zuen aginte-makilak. Azken hamar urteotan herriko bi emakume izaten dira. Aurten Anita Lekuona Igos (Mendelu auzokoa) eta Maialen Aguirre Echeveste gaztea (Akartegikoa) aukeratuak izan dira horretarako.
Aurretik herriko udalbatza hondarribiarrei Aurresku dantza eskeini zien. Eliza nagusian ospaturiko Te Deum eta Salbearekin eman zitzaien hasiera ekitaldi ospetsuei. Eslavaren Salbea eta Te Deuma ehun abeslari kantatu zituzten Alberto Lasaren zuzendaritzapean.
Arma plazako ekitaldia amaitu eta berehala jendea bat batean jauzika hasi zen Danborradaren musika entzuterakoan. Jarraian ohi denez kalejirari hasiera eman zitzaion kale Nagusitik abiatuta.
