05.09.08 -
LIBURUA
DV. Joan Mari Irioien (Altza, 1948) Bestea da mundua nobela plazaratu du, trilogia baten aurreneko liburukia. XIX. mende bukaera aldera hasten den Orbetarren sagari buruzko liburu-sorta burutu nahi du.
Lehenengo liburu honetan protagonista printzipalak lau dira: gurasoak (Regina eta Nazario) eta berauen bi seme-alaba (Ernestina eta Beñardo). Nazario Orbe izaera gogorreko gizona da, ezerezetik abiatuta inperio ekonomikoa eraikitzen duena. Regina Aldasoro, berriz, erdaraz ez jakitetik Villalbako markesaren jauregiko konfiantzazko neskame izatera pasatzen da. Ernestina komentu bateko moja da, eta Beñardo bertsolari xelebre bat.
«Muturrerainoko introspekzio psikologikoa» egin nahi izan du Irigoienek. Narrazioan zehar , zenbait une jakinetan, «Jainkoaren begia» baleuka bezala, pertsonaien portaera aztertzeari ekiten dio narratzaileak.
