BIDASOA
Hamaika eta hamairu urte bitarteko adinekoek soilik parte hartu ahal izango dute txapelketan. Honen gaia 'Hondarribia eta bere jaiak' da
HONDARRIBIA. DV. Hondarribiko udal Kultura departamentuak jaietako IX. Haur Graffiti Lehiaketa antolatu du. Bertan gehienez hamar taldek parte har dezakete. Adina hamaikatik hamairu urte bitartekoa da.
Talde bakoitzak gutxienez hiru lagun osatuta izango da. Behar beharrezkoa da partaide guztiak herrian jaioak edota bertako bizilaguna izan dezatela. Ohitura denez, izena emateko San Pedro kalean kokaturik dagoen Gazte Informazio bulegora jo beharra dago. Ordutegia goizeko hamarretatik arratsaldeko ordu batak eta erdiak arte da. Epea irailaren 2an arratsaldeko ordu batean amai-tzen da.
Inskripzioan talde kideen, NAN edo gurasoen famili liburu aurkeztu behar izango da. Lehiaketa irailaren 6an arratsaldeko seitan izango da Kasino Zaharreko lorategian.
Jakin beharra dago, margotzen hasi aurretik partaide bakoitzak bere nortasun egiaztatzen duen agiria aurkeztu behar izango duela.
Lehiaketaren gaia 'Hondarribia eta bere jaiak' da. Erabiliko diren material bakarra sprai edota rotuladorea izango da.
Antolatzaileek talde bakoitzari beharrezko dituen spraiak emango dizkio. Hona hemen banatuko diren koloreen zerrenda: beltz, zuri, orlegi, gorri, urdin, moratua eta hori.
Lehenengo postuen artean geratzen diren hiru taldeei herriko hanburgeseria batean afari merienda bat emango zaie.
