DV. Gaur arratsaldeko 19:30etan ospatuko du Getariako Keta Futbol Taldeak denboraldiko lehen bilera irekia, Mariñelak elkartean.

Bertan entrenatzaileak eta Ketako Klubak aurredenboraldia eta denboraldiaren aurreikuspen bat adieraziko dei gerturatzen diren guztiei, aurredenboraldia noiz hasiko den, taldea ze egoeratan dagoen, ze konpormisu dauden, zer lortu nahi den azalduko da, taldearen egituraren egoera, etorkizuneko jokalariak (orain jubenil, kadete edo alebin direnak), eta taldeak denboraldian zehar burutuko dituen keitaldi edo lanen berri ere emanez. Taldetik herritarrak bertara gerturatzera animatu nahi dituzte, aportatzen diren ideiak beti onuragarriak izaten direlakoan, eta hasiera dela kontutan izanik gehiago, taldearen egitura sendoa izan dadila nahi bait dute, Ketak lortutakoa denbora luzerako izan dadin.

Futbolin lehiaketa

Gaur berriz irekiko du Getariako Gaglo Gaztelekuak, goizeko 11:00etatik aurrera Futbolin Lehiaketa egonik bertan uztaileko egitarauaren barne. Biharko egitarauan, berriz, karaokeaz gozatzeko aukera izango dute gazteek. Gaztelekua, 12 eta 17 urte arteko gazteei zuzendua, goiz eta arratsaldez dago zabalik, astelehenetik ostiralera, asteburuetan itxiz. Ordutegia: goizeko 10etatik 13etara eta arratsaldeko 16etatik 20etara.