20.07.08 -
DV. Iragan ostiralean Euskaltzaindiak Hendaian egin zuen osoko batzarrean izan zuten euskaltzainek Henrike Knörr zenaren hutsunea betetzeko hautagaiak aurkezteko azken eguna, eta bi aurkeztu zituzten, biak ere arabarrak: Patxi Uribarren eta Blanca Urgell.
Patxi Uribarren Aramaion jaio zen 1942an. Karmeldarra da. Filosofia eta Letretan eta Teologian lizentziatu lizentziatua, Bizkaiko Foru Aldundian itzultzaile ofiziala izana da, 1983tik 2007ra arte. Euskararen aldeko jarduera anitzetan esku-hartu du. 1971 urtean izendatu zuen Euskaltzaindiak euskaltzain urgazle.
Blanca Urgell, berriz, Gasteizen jaio zen 1962an. Euskal Filologian doktrea da, eta EHUko irakasle titular 2002. urtetik. Azken urteotan euskararen historiaren inguruko ikasgaiak irakatsi ditu batik bat. Blanca Urgell Patxi Goenagak, Patxi Lakarrak eta Lourdes Oñederrak proposatu dute, eta Jose Luis Lizundiak, Andoni Sagarnak eta Sagrario Alemanek aurkeztu dute Patxi Uribarrenen kandidatura.
