GETARIA
2008ko GAP programan parte hartzeko izen ematea zabalik irailaren 6ra arte
24.06.08 -
DV. Eusko Jaurlaritzako Ingurumen eta Lurralde Antolamendu Sailak eta Udalsarea 21 Euskadiko Udalerrien Sareak abian jarri dute 'Ekin-tza Plan Globala' (GAP) programaren hirugarren edizioa, Urola Kostako etxe eta familiek dutelarik parte hartzeko aukera. Helburua eguneroko ohiturak aldatzen laguntzea da, honako arlo hauetan: uraren eta energiaren kontsumoa, garraiobideen erabilera, erosketak egiteko modua eta etxeko hondakinen kudeaketa etxean bertan. Parte hartu nahi dutenek www. udalsarea21.net web orrian eman dezakete izena programa Interneten bidez egiteko, horrela paperaren eta energiaren kontsumoa gutxitzen lagunduz. Bestela, paperean egin dezakete programa, luze gabe etxean jasoko duten liburuxkari atxikitako kupoia bidaliz. Programa osoa egiten duten etxeek 'Etxe Ekologikoaren' ziurtagiria jasoko dute. Izen emateko epea irailaren 6ra arte dago zabalik, programa irailean hasi eta abenduan bukatuko delarik, amaieran sariak zozketatuz.
