GIPUZKOA
Eskolarteko Euskal Herriko Bertso Txapelketa, Maialen Akizu urretxuarrarentzat
22.06.08 -
DV. Atzo jokatu zen Euskal Herriko XX. eskolarteko bertsolari txapelketaren finala Altsasun, eta bertan Zumarraga-Urretxuko bertso eskolako Maialen Akizu (12 urte) izan genuen txapeldun txikien mailan. Final honetan Euskal Herriko herrialde bakoitzeko 2 ordezkari izan ziren kantuan, eta Maialenek Gipuzkoa ordezkatuz kantatu zuen, Amaia Urbieta zarauztarrarekin batera.
Euskal Herriko txoko guztietatik etorritako bertsozaleek itxura polita eman zioten Burunda pilotalekuari. Saioa goizeko 11etan hasi zen, gai orokor baten inguruan kantatu beharreko agurrarekin. Lehenengo atala amaitu ostean, sei bertsolarik egin zuten aurrera: Maddiane Txoperena, Amaia Elizagoien, Eñaut Saldumbide, Mikel Cherbero, Johaiñe Sarraillet eta Maialen Akizu bera.
Bigarren saioaren ostean, onena Maialen Akizu izan zela erabaki zuen epaimahaiak eta bigarrena, Hendaiako Maddiane Txoperena.
