ZUMAIA
'Hor al zaude', fantasia eta umorea bat eginik gaur gauean Aita Mari zinean
16.05.08 -
Antzezlanaren irudia.
ZUMAIA. DV. Fantasiak eta umoreak bat egingo dute gaur
gauean Aita Mari zine aretoan Hor al zaude antzelanean.
Saioa gaueko 10etan hasiko da. Sarrerak aurrez salgai
daude turismo bulegoan, 8 eurotan; 6 euro Gazte Txartela
izanda.
Ana eta Fran elkarrekin joan dira bizitzera. Etxea
traketsa eta txikia da: lekua kaxaz gainezka dago,
berogailua ez dabil eta auzokoekin problemak dituzte.
Gainera, gizon ikusezin baten presentzia deskubritu
dute. Mamu antzeko honek umore txarra izateaz aparte,
bikotea bere espazioaren inbasoretzat hartzen du.
Asier Hormaza Frantzisko da, mago hasiberriaren larruan,
eta Ainhoa Aierbe berriz, Ana, oftalmologian
lizentziatzekotan dena. Bien artean eszenatokia erabat
betetzen dute, mamuen munduan sartzen gaituzte eta bi
pertsonaia baino gehiagoren aurrean gaudela sentiarazten
digute.
Bere egileen esanetan, «umore eta fantasiaz blai dagoen
an-tzezlan honen atzean maitasunari buruzko gogoeta argia
dago».
