GETARIA
Ketaren partida ikustera joateko doako autobusa bihar
16.05.08 -
GETARIA. DV. Keta futbol taldeak Bergaran jokatuko du
asteburu honetan, larunbatean hain zuzen ere,
arratsaldeko 19:30etan BTLS lider berriaren aurka.
Partida garrantzitsua da, irabazi ezean igotzeko aukerak
oso urriak izango direlarik getariarrentzat, zaletuen
animoak inoiz baino beharrezkoagoak izango dituztelarik.
Hori dela eta, zaletuen babesa izan eta hauei bere
laguntza eskertzeko, taldea doako autobusa antolatzen
ari da larunbatean zaletuak Bergararaino eramateko,
irteera partida baino ordubete lehenago izanik, Zarautz,
Getaria eta Zumaian geldituko delarik.
Izen ematea bihar eguerdirarte ondoko tokietan: Taxko,
Mari Nieves arrandegia, Sopas elektrizitatea, Sokoa,
Itxaspe, Harritarte denda, Gaglo eta Siz (Zarautz).
Egipziar dantzak
Sahatsaga kiroldegiak egipziar dantza eta bioenergetika
ikastaro trinkoa eskeiniko du asteburu honetan, maiatzaren
17 eta 18an, goizeko 10:00etatik 14:00etara, Sonia
Agirreren eskutik. Izen ematea dagoeneko zabalik dago
kiroldegian bertan.
