OIARTZUN
Jubilatu bazkaria, musika, bertsoak eta txotxongiloak Arragua auzoko jaien hasieran
OIARTZUN. DV. Asteburu honetan, maiatzaren 16tik 18ra bitartean, Arragua auzoko jaiak ospatuko dira. Antolatzaileek ekitaldi ugari antolatu dituzte.
Bihar, ostirala, eguerdiko 14:00tan bazkaria izango da jubilatuentzat Aldeguna elkartean, iluntzeko 19:00tan txupinazoa Aldeguna elkartetik eta, ondoren, Agurra dantzatuko da jaiei hasiera emanaz. 19:15tan kalejira txistulari eta buruhaundiekin auzoan zehar. 20:00tan bertsotxongiloak Hitzen lapurra txotxongilo eta aktoreen antzezlana izango da 3-0 urte bitarteko haurrei zuzendua, frontoian. Guaeko 22:30tan, Truk Txapelketa izango da Aldeguna elkartean. 23:00tan, beriz, kontzertua Bad Sound System taldearekin, Goiko Eskolan.
Larunbatean, goizeko 10:30tan haur jolasak izango dira frontoi ondoan. 12:30tan Ponyak, zezenak... Gorriti Show-kin frontoi ondoan. Eguerdiko 14:15tan, bazkari herrikoia frontoian, Euskal Kantak Herriko Kantari taldearen laguntzaz guztiek abesteko, magia SUN magoarekin, txisteak Martintxorekin, zozketak... Arratsaldeko 19:00tan antzerkia izango da Edurne Arrizabalagaren eskutik, Ogiyik ekarri etzun semia frontoian bertan. Gaueko 21:00tan Monologoak eta afaria Goiko Eskolan eta 23:00tan Kontzertua Krudos, Garagardo gura eta Brux Lee taldeekin, Goiko Eskolan.
Igandean, goizeko 09:00tan, meza ospatuko da auzoko hildakoen alde; 10:30tan, pilota partidak izango dira Oiarpek antolaturik, maila guztietan eta 11:00tatik 14:00tara eta arratsaldeko 16:00tatik 18:00tara, jolas parkea eta puzgarriak izango dira. Arratsaldean, berriz, 18:00tan, berriz, Zirika Zirkus taldearen emanaldia izango da eta Zorionak lana aurkeztuko dute, antzerkia, pailazoak eta zirkoa uztartuz. Bukatzeko, iluntzeko 19:00tan, txokolatada izango da jaiei amaiera emanez.
