ANDOAIN
Behe Nafarroa ezagutzeko irteera antolatu du Larramendi Bazkunak
ANDOAIN. DV. Manuel Larramendi Kultur Bazkunak, Euskal Herrian Barrena egitasmoari dagokionez, 18 eta 30 urte bitarteko gazteei zuzenduriko asteburuko txangoen antolakuntzan diharduela gogorarazi nahi du. Iosu Zumetak, ekimenaren arduradunak, esan duenez, iazko ildoari jarraituz 2008rako zortzi txango prestatu dituzte, martxotik urrira bitartean, hilabatean asteburu batez burutuko direnak.
Hilabete hontako irteerari dagokionez, izen emateko epea zabalik da, maiatzak 19 astelehenera arte, txangoa 24-25ko asteburuan burutuko baita. 'Aturriraino dena Nafarroa' leloa duen txango honetan Behe Nafarroako lurrak izango dira ikusgai, Aldude, Urepel, Baigorri, Bastida edo Bidaxune bezelako aldeak bisitatuz, Iparraldeko lur nafarretan bildurik daudenak. Asteburuko irteeraren kostua 60 eurotakoa da, garraioa, ostatua, mantenua eta sarrerak bere gain hartzen dituelarik. Informazio gehiago jaso nahi izanez gero 943-696-450 zenbakira dei dezakezue (Iosu) edo txangoak@topagunea.com helbide elektronikora idatzi.
