ASTIGARRAGA
Argindegi Zahar baserria
Lezoko Gaintxurizketako Granada baserrian jaio zen Sinforosa Bengoetxea baserritar emakume hau, 1929ko maia- tzaren 15ean. Gurasoak, Jose Mari eta Maria, Amezketa eta Abaltzisketan jaio ziren eta sei seme-alaba izan zituzten.Oso txikitatik hasi zen baserriko lanetan eta herriko eskolan bost bat urte baino ez zen ibili, hala beharrez, noski. 18 urte zituelarik hil zen aita eta ardura handia hartzea egokitu zi-tzaion berari. Oiartzungo Txikierdiko eta Irungo Bentaseko dantzalekuetan ibilitakoa da eta azken horretan ezagutuko zuen Astigarragako Argindegi Zahar baserriko Agustin Arrizabalaga. Bost seme alaba izan zituzten eta biak beti baserrian aritu dira lanean. Sinforosak ahalegin handia egin zuen baserriko barazkiak Donostiako San Martin azokara eramatearren. Bere baserriko bizitzan zehar ez du une txarrik izan, nahiz eta egun ganadurik ez izateak zerbaiten falta sentiarazten dion.
