GETARIA
Ziklomotorrei ITVa pasako zaie gaur herriko frontoian
Hirugarren egun batez itzuliko dira azterketa pasatzera
GETARIA. DV. Gaur goizean ere, goizeko 9:00etatik 14:00etara frontoian ziklomotorrei ITVa pasako zaie, Eusko Jaurlaritzak eskainitako zerbitzuaren barruan. Hasiera batean egun bakar batean egitekoak baziren ere, apirilaren 29an frontoiraino gerturatu ziren ziklomotorren kopurua ikusirik bigarren eta hirugarren egun bat ere jarri behar izan dute guztiei ITVa pasa ahal izateko.
Bataz beste eguneko 45 bat ziklomotorrei pasatzen diete ITVa bost orduko tarte horretan, iragan apirilaren 29an goizeko 10:00etarako jada ordu denak emanda zituztelarik, eta gaurko ordua ere ematen hasiak zirelarik, bakoitzari 10 minutuko tartea eskainiz. Dagoeneko gaurko ordu denak hartuta daude eta hasiak dira ere beste egun baterako txanda ematen, hau maiatzaren 15erako litzatekeelarik.
Udaltzaingotik jakitera eman dutenez, hauxe izango da Getariara ITVa pasatzera etorriko diren azken eguna, zerbitzua soilik getariarrentzat izanik. Txanda hartzeko frontoian egin daiteke gaur goizean zehar, edo telefonoz 943760490 telefono zenbakira deituz.
