ATAUN
Giro ezin hobean burutu zen igandean Ataungo mendi ibilaldia
Ataungo mendi ibiladiko partehartzaileak. [AIZPURUA]
ATAUN. DV. Igande goizez eta eguraldia lagun, giro bikainean elin zioten mendizaleek, lau orduko ibilbideari batzuk eta bi ordukoari beste batzuk. Lehenengoan hirurogei inguruk hartu zuten parte eta berrogei batek berriz bigarrenean. Guztiak ere, oso pozik eta kontentu iritxi ziren helmugara, ibilbidea antolaturik zegoen eragaitik eta igarotako paraje politengaitik.
Ibilaldia amaitutakoan, indarrak berreskuratzeko, hamaiketako bikaina ere eskaini zitzaien guztiei. Honek ere, oso goxoa zegoelako, jaso zuen partehartzaile guztien eskerrona.
Lore lehiaketa
Gaztetxoenei, bere ibilbidea are atseginagoa egin asmoz, bapatean lore lehiaketa bat ere antolatu zuten. Ahaleginean parte hartzaile ugari saiatu zen eta epai-mahaiaren eritziz, mendiko lore sorta politenak Maria Imazek bildutakoak izan ziren, bigarren Anartz Barandiaran eta Irene Regilek jasotakoak eta hirugarren politenak Leire Tobarrek aurkeztutakoak.
Herriartekoa ate joka
Datorren astebukaeran sartuko da Ataun pilotako herriarteko (interpueblos) lehiaketan, final zortzirenetan.
Aurten lehengo arerioa Asteasu izango du Ataungo pilota eskolak eta lehen neurketa Ataunen izango da.
