Gazte Olinpiadetako show froga ospatu zen joan zen ostiral gauean herriko Kultur Etxean
04.05.08 -
ASTIGARRAGA. DV. Astigarragako Gazte Olinpiadetako azken froga ospatu zen joan zen ostiral gauean herrian. Kasu honetan show frogara jokatu zuten Gazte Asanbladak antolatutako kirol jarduera honetan parte hartzen duten 8 taldeek.
Frogari gaueko hamar terdietan eman zitzaion hasiera Astigarragan. Talde desberdinek ikuskizuna prestatu behar zuten Kultur Etxeko eszenatokian. Aretoa bete beterik zegoen izan ere ikusle ugari bildi zituen jarduerak eta bizilagun guztiek gazteei animatzeko prest zeuden. Talde desberdinek sketch, play back eta antzerki saio txikiak burutu zituzten jendearen barreak sortaraziz eta humore onez. Talde bakoitzak 10-15 minutu izan zituen show froga prestatzeko.
Maiatzaren 24ean, bukaerako jaia ospatuko da. Goizeko hamaiketan, herri arteko herri jolasak Apeztegi plazan izango dira. 13:00etan, triki kalejira herriko kaleetan zehar Apeztegi plazatik abiatuta. 14:00etan, herri bazkaria Joseba Barandiaran plazan. 18:00etan, The Txortains-ekin kalejira Joseba Barandiaranetik. 21:00etan, azkenik, kontzertua Foru plazan Bisai, Sagarroi, Etsaiak eta Trikizio taldeekin.
