Gipuzkoako Halterofilia txapelketa, gaur kiroldegian
El haltera Inko Illarramendi.
ZARAUTZ. DV. Aritzbatalde kiroldegian gaur goizeko 10:30etan hasita Gipuzkoako Halterofilia Txapelketa absolutoa ospatuko da. Zarautz Kirol Elkarteko halterofilia sailak gogo handiz hartuko du bere aurtengo bigarren txapelketa izango den hau. Izan ere, Enrike Kortajarena eta Juan Mendizabal teknikoak, beren zuzenpean dauden kirolariak progesio ona izango dutelakoan daude, Zarautz K. E. halterofiliaren 40.urteurrena ospatzeko udaran izango duten txapelketa Internazionalari begira.
Beraz, gaurko helburua aurreko txapelketan lortutako emaitzak hobetzea izango da eta, halaber, maiatzaren 24an Gasteizen ospatuko den Euskadiko txapelketarako txartela lortzea. Gipuzkoako txapelketa honetarako sarrera doanekoa izango da, beraz halterofilia gustokoa duzuenoi gonbitea luzatzen zaizue gaur goizean zehar Aritzbatalde kiroldegira hurbiltzeko.
