SEGURA
Santikutz eguna ospatuko da bihar Beheko Gurutzean
02.05.08 -
SEGURA. DV. Aspalditik maiatzaren 3a denez beheko auzoko egun handia, ohiturari jarraipena emanez, larunbatean beteko dira urteroko ospakizunak Beheko Gurutzean. Eguerdiko 12:00etan emango da auzoan hildakoen aldeko meza eta, ondoren, mokadutxo bat eskainiko zaie udalaren laguntzaz bertara inguratzen direnei. Herri mailako toka txapelketa jokatuko da gero heldu eta haurren mailan, lehen emakume eta gizonezkoarentzat egongo direlarik sariak. Gero bazkaria egingo dute, eguraldia ona bada kanpoan, ermita inguruan .
Beheko barrioko jaiaren barruan ohizko den Gazte Mailako Txirrindulari Proba, Jabier Ormazabalen oroimenekoa, hurrengo asteko igandean, hilak 11, jokatuko da, arratsaldeko 16:00etan.
