GIPUZKOA
Salbamentuko txakurren erakustaldia Larraitzen
02.05.08 -
Euskal Herriko Salbamentuko Txakur Taldearen erakus-taldia egon zen atzo Larraitzen. Talde hau 1983an sortu zen. Gida eta txakur batez osatutako taldeak prestatu, eta elurretan, mendian, hondakinen artean,... galduta daude pertsonak aurkitzea du helburu. Besteak beste, Oizko hegazkin istripuan eta Biescas-ko kanpineko ezbeharreko erreskate lanetan parte hartu dute txakur hauek. Sei txakurrek eskaini zuten erakustaldia atzokoan, bakoitza bere gidarekin. Lehenik eta behin, gidek txakurraren gainean duten kontrolaren demostrazio bikaina eskaini zuten. Txakurrek kon-tzentrazio handiz jarraitzen zieten euren gidei mugimendu guztietan, eta hauek emandako agindu guztiak betetzen zituzten une ba-tez ere zalantzan egon gabe. Erakustaldiaren amaieran, bi lagun Txindokiko maldan dauden zuhaitz batzuen atzean ezkutatu ziren, txakurrak aurki zitzan. Behetik abiatu zen galduriko lagunen bila, eta zuzenean jo zuen beraiengana. Txakurrak zaunkaka adierazi zion bere gidari galdutakoak aurkitu zituela.
