ANTZUOLA
Antzuolako txokoak argazki lehiaketarako epea astebete luzatu da
02.05.08 -
ANTZUOLA. DV. Antzuolako Txokoak argazki lehiaketarako lanak aurkezteko epea maiatzaren 9ra arte, gaur zor-tzira arte, luzatu da. Jasotako argazkiekin erakusketa osa-tzea da antolatzaileen helburua. Horretarako, gutxieneko kopurua behar dute.
Antzuolako edozein bazter, kale, baserri, iturri, tunel edota txoko har daiteke gaitzat argazkirako. Herriko edozein lekuk balio du.
Adinaren araberako hiru maila bereizi dira: hamalau urte artekoak (parte-hartzaile guztiei emango zaie saria), 15 urtetik 25era bitartekoak (bi sari) eta 26tik gorakoak (beste bi sari).
Argazkiak zela aurkeztu ere finkatuta du lehiaketaren araudiak. Horrela, argazkia krema koloreko kartulinan itsatsita joan beharko da. Kartulinaren neurria 30x40 zentimetrokoa izango da. Argazkiak, berriz, 25x35 zentimetro izan beharko ditu gehienez.
Kartulinaren atzean izenburua jarriko da. Kartazal batean izenburu hori eta egilearen datuak sartuko dira.
