Juanma Ruiz Gipuzkoako xakeko txapelduna
01.05.08 -
ARRASATE. DV. Juanma Ruiz, Arrasate-San Andres Xake Elkarteko jokalariak, Gipuzkoako Eskolarteko Infantilen Banakako txapelketa irabazi zuen.
Partidak Gros Xake Taldearen instalakuntzetan izan ziren, talde hau izan zen antolatzailea eta.
18 izan ziren jokalariak eta txapelketaren finala igandean jokatu zuen Juanmak.
Sei partidetatik bost irabazi zituen eta bat berdindu zuen. Gauzak horrela, 5,5 punturekin lehenengo sailkatu zen. Daniel del Cura eta Mikel Vicente bigarren eta hirugarren postuan geratu ziren.
Eta kadeteetan ere, Asier Etxagibel nagusitu egin zen. Juanmak maiatzean jokatuko du Euskadiko txapelketa.
