Bi partidu dituzte aurretik Lagun Onak-ekoek aste honetan
Bihar, Zarautzen aurka jokatuko dute eta igandean, etxean baita ere, Laudio dute arerio
AZPEITIA. DV. Lagun Onak futbol taldeko hirugarren mailako jokalariek zarauztarrak izango dituzte aurrean bihar arratsaldean Garmendipen jokatuko den partiduan. Azpeitiarrak gustura egoteko moduan daude azkenaldian lortu dituzten garaipenekin. Azken ekitaldian ezinezkoa izan zen Durangotik hiru puntuak etxeratzea baina berdinketak (1-1), aurreko postuetan mantentzen ditu. Lagun Onakekoek hirugarren postuan daude, Zamudiorekin berdintuta.
Biharko partiduaren ostean, berriro igandean neurtuko dira Garmendipen, Laudioren aurka.
Erregional mailakoek ere bihar dute partidua, 11:45ean, Intxurreren aurka. Ohorezko infantil mailakoek Zumaiako hartuko dute, 10:00etan. Larunbatean, emakumezkoen ligakoek, Beti Gazte izango dute aurkari, 17:30ean. Gainontzekoek kanpoan jokatuko dute, alebinek izan ezik, ez baitute partidurik. Pasa den astean Ibarran 2 eta 1 galdu zuten.
