ONDARROA
Augustin Zubikarai XII. Ipuin Lehiaketako sari-banaketa atzo ospatu zen
Ipuin lehiaketako irabazleak euren sariak jaso eta gero.
ONDARROA. DV. Augustin Zubikarai XII. Ipuin Lehiaketa eskolartekoa da eta herriko ikasleek idatzitako ipuinak izan dira guztiak. Ekitaldian, ohi denez, diplomak banatu zaizkie saridunei eta ipuin bakoitzeko irakurraldia egin dute epaimahaikideek, Leire Bilbaok eta Ana Urkizak.
Saririk eraman ez dituztenek liburuak jaso dituzte sari moduan. Amaieran mokadutxo bat izan da denentzat. Ekitaldian bertan aurkeztu du Udalak Ipuin lehiaketako aldizkaria, saritutako ipuinekin argitaratu berria, eta Euskara saileko bulegoetan egongo dira eskuragai.
Aurtengo irabazleak honako hauek izan dira: Lehen Hezkuntzan, 5. eta 6. mailetako saridunak:1. saria: Gaztelu sorgindua, Irati Azkarate Beitia; 2. saria: Bizitzako gertaerak, Nora Casais Alkorta; 3. saria: Urrezko harriak, Naiara Perez Barrenetxea.
Bigarren Hezkuntzan, 1. eta 2. mailetako saridunak: 1. saria: Koloreetako errotuladorea, Ainara Zendoia Larrinaga,2. saria: Osaba bidaiaria, Unai Guenetxea Aranbarri, 3. saria: Katua ate aurrean, Olaia Conde Saborido, Naroa Lasarte Txurruka, Nahia Lores Etxaburu eta Aiora Ponce Azpiri.
Bigarren Hezkuntzan, 3. eta 4. mailetako saridunak:1. saria: Ametsen basoa, Aitzol Guenaga Baroja,2. saria: Gerlari geldiezinak, Unai Lires Arrieta, 3. saria: Oroitzapenen lurraldea, Ainhoa Ibaibarriaga Revuelta.
Lea-Artibai mailako sariduna:1. saria: Bizitasuna galduz, Jon Bedialauneta Sevilla. Liburu bana opari, parte hartzegatik: Tania Laiño Calderon eta Beñat Lasarte Akarregi.
