EZKIO-ITSASO
Pott-en eskulturen erakusketa Itsasoko ostatuan gaur amaitzen da
30.04.08 -
EZKIO-ITSASO. DV. Pasa den otsailaren 1ean Pott Keramikako kide diren Ione Urain-ek eta Maite Salutregi-k beraien bi lanen esposaketa ireki zuten Itsaso auzoko ostatuan hain zuzen. Esposaketa txiki baino berezi hau gaur arte egongo da ikusgai ostatuko jangelan, janari dotorea hartzeaz gain eskultura eta bi egileen arteaz disfrutatzeko aukera ematen duelarik.
Ione Urainek egindako obra Zurrunbiloak du izenburu gisa. «Pertsonak isladatu nahi izan ditut, buruak duen indarra kontutan harturik; naturako elementu bat hartu dut oinarri bezala, zuhaitza» dio keramikagile honek.
Maite Salutregi-k bere aldetik, Gaueko Ateak izenburuarekin aurkeztu du bere lana. «Iluntasunean, begiak itxi eta beste mundu bat sortzen dugu, eta ateak...», esan du.
Erakusketa honetan beraien bakarkako lana erakutsi dute bi keramikagileek eta bertaratu diren guztiek disfrutatu dute hiru hilabeteetan zehar.
Esan bezala bihar amaituko da esposaketa eta hurrengo egunean, maiatzaren 1ean, berria kokatuko dute Itsasoko ostatuko arduradunek, oraingoan pintura erakusketa bat ikusteko aukera izango dugularik. Normalean bi hilabete inguru egoten dira obak ostatuan eta hau igarotzen denean esposaketa aldatzen dute.
