diariovasco.com

OREXA. DV. Ostegunean emango diete hasiera aurtengo Santa Krutz jaiei orexarrek. Asteburu luze hau aprobetxatuz jaietako lehen egunean, ostegunean, mendi ibilaldia antolatu dute. Goizeko 9:30etan aterako dira mendizaleak eta ondoren hamaiketako izango dute indarrak berreskuratzeko. Arratsaldeko 4etan berriz, Xiba haur jokuak izango dira eta ondoren, merienda. Hau bukatu ostean, futbito txapelketa jokatuko da. Ostiralean berriz, Santa Krutz egunaren bezperan, iluntzeko 8etan oilarraren jaitsiera izango da. Gaueko 9etan berriz, sardin jana eta ondoren, Trapu Zaharra taldeak Aterpea lana eskainiko du. Goizaldeko 1atik aurrera berriz, karaokea. Larunbatean, Santa Krutz eguna, 12etan herriko txistulariekin diana. Arratsaldeko 13ean berriz apustua herriko auzoen artean. Arratsaldeko 7etan berriz, Orexako 'I goitibehera txapelketa' eta 9etan herri afaria. Gau erditik aurrera berriz, Elortza eta Iñaki trikitilariekin erromeria. Ondoren, DJ Bullen saioa, baratzurizopa eta kalejira Xapre, Furri eta Izaro trikitilariekin. Igandean, jaietako azken egunean, arratsaldeko 6etan Iñaki Azurmendi eta Joxe Ugarteburu aizkolariak eta Goenatxo II. harrijasotzailaren erakustaldia. 7etan, sagardo probaketa eta ondoren, Amets Arzallus eta Sustrai Kolina bertsolariak.