oiartzun
7 hiriburuak zeharkaldiaren etapak zubi honetan
OIARTZUN. DV. Oiartzungo Girizia mendi elkarteko kideek, joan den igandean, 7 hiriburuak zeharkaldiaren lehen etapa, Oiartzun- Donibane Lohitzune, egin zuten eta asteburu luze honetarako 2., 3., 4. eta 5. etapak antolatu dituzte. Honela, ostegunean, maiatzaren 1ean, Donibane-Baiona, 2. etapa egiteko, Oiar- tzundik goizeko 7:00etan aterako dira, Beheko plazako Haurtzaro Ikastolaren aparkalekutik.
Ostiralean, Baiona-Hazparne, 3.etapa egingo dute. Larunbatean, Hazparne-Donapaleu, 4. etapa eta igandean, Donapaleu- Maule, 5. etapae. Etapa bakoitzak, gutxi gorabehera 7-8 orduko iraupena izango du.
Lotarako tokiak frontoi estalitan eta aterpetan izango dira. Antolatzaileek, tresnaria alde batetik bestera mugitzeko, furgoneta bat jarriko dute. Etapa hauek osatzeko bakoitzeko 45 euro ordaindu beharko da. Hor sartzen dira autobusa, ogia, lotarako lekuak, pintxoak, sagardoa eta abar. Izena ematerakoan, Amazkar tabernan, Garmendi txokolategian edo Girizia Elkartean (asteartetan), beharrezkoa izango da %50 aurreratzea.
