diariovasco.com

Gipuzkoako eskola txikiek euren festa badute ere, duela hiru urte Goierrikoek eskualde mailan halako aldarrikapen egun bat egitea erabaki zuten, herri ezberdinetako haur eta gazteek elkar ezagutzeko eta eskolen artean lankidetza bideak zabal-tzeko asmoz. Hala, pasa den igande honetan, Zerain, Olaberria, Gabiria eta Itsasondoko eskolek euren laugarren festa ospatu zuten Itsasondon. Egun osoko egitaraua izan zuten ikasle, irakasle eta gurasoek eskola txikiek herri txikien bizitzan duten garrantzia aldarrikatzeko. Datorren urtean Olaberrikoek hartuko dute festaren lekukoa. Eguna iritsi arte, ordea, elkarri laguntzen eta batera lan egiten jarraituko dute lau eskolek. DV