zarautz
Zarauzko beteranoen ibilaldia antolatu du Pagoetak maiatzaren 11rako
Andazarraten hasi eta Usurbilen amaituko den ibilaldirako izenak maiatzaren 3rako eman behar dira
ZARAUTZ. DV. Pagoeta Mendizale Elkarteak Zarauzko beteranoen VII. ibilaldia antolatu du maiatzaren 11rako. Ibilaldia, Andazarraten hasi eta Saskarate baserriaren aldamenetik eta gero Zarateko Bentatik igaro eta gero Andatza mendira igoko da. Gailurretik beherako bidean trikuharri pare bat ikusi ondoren Usurbilgo San Esteban auzoan amaituko da ibilaldia. Ibilbide erraza eta edonork egiteko modukoa da, lau bat ordu ingurukoa. Ondoren, Aginaga Sagardotegian izango den bazkariarekin bukatuko da ekitaldia. Bazkaritarako 24 euro ordaindu beharko dira. Izen-ematea Mendizabal Kinkiladendan maiatzaren 3a bitartean.
Bestalde, pasa den larunbatean zarauztar talde batek Zarautz-Arantzazu oinezko ibilaldia egin zuen. Bero handiko eguna, izerdia ederki botata amaitu zuten ibilaldia.
