ATAUN
Arkakako uraren interpretazio zentrora haur eta gurasoen mendi ibilaldia bihar
26.04.08 -
ATAUN. DV. Bihar igandea, Eskolako haur eta Gurasoen hileroko mendi irteera, oraingoan Arkakako (Zaldibia) Uraren Interpretazio zentroa ezagutzera egingo dute. Goizeko 9:00etan irten San Martingo plazatik, Lasarteko lepoa, Arkaka. Bueltako bidaia autobusez egingo dute Zaldibiatik Atauna.
Ibilaldi tematikoa
Lizarrustiko Parketxearen eskutik antolatzen diren ibilaldi tematikoak bihar izango du baita ere saiakera berri bat. Oraingoa, Aralarko errekek duten kalitatea aztertu eta ezagutzeko izango da.
Aitor Larrañaga, EHUko ikerlari eta irakasleak gidaturik, Amundarain errekako eremu batean dauden bioindikatzaileen laginketa bat egingo dute, gero Arkakako Uraren Interpretazio Zentruan laginketan (probetan jasotakoa) lupen bidez identifikatzeko.
Gai honetan interesaturik dauden guztiak, igande goizeko 9:00etan Zaldibiko Lazkaoetxe nekazalturismo etxeko aparkalekuan dute zita. Ibilbidearen ireaupena 13:30ak artekoa izango da. Uretan sartuta ibiliko direnez, uretarako ekipamenduaz hornituta joatea eskatzen da.
Pilota partidak
Gipuzkoako Txapelketako neurketakin jarraituz, gaur arratsaldean Auzoeta kiroldegiko pilotalekuan, 16:00etan hasita. Jokoan izango dira alebinetan eskuz binaka Ataun 1-Segura 2; Ataun 2- Goierri; Aurrera Saiaz 3- Lapke 1; Aurrera Saiaz 2-Segura 3. Alebinetan: Goierri 1-Segura 2; Gailerrurantz-Lapke.
