ALKIZA
Kaxkagor Elkartean irteera antolatu du Lekunberrira
25.04.08 -
ALKIZA. DV. Kaxkagor gazte elkarteak irteera berri bat antolatu du maiatzerako. Oraingoan asteburuko irteera izango da, maiatzeko 17-18ko asteburuan egingo dena, eta Lekunberrira joango dira. Irteeraren prezioa 50 eurokoa da, bertan sartzen dira irteerako gastu guztiak.
Antolatutako egitarauaren arabera, Lekunberriko abentura parkea bisitatuko dute lehenik eta ibilaldia ere egingo dute. Gaua aterpetxean igaroko dute.
Irteeran izen emateko epea ireki da dagoeneko, Udal liburutegian izen eman behar da. Bertan 12 eta 16 urte bitarteko mankomunitateko herrietako gazteak parte hartu dezakete.
Oilategitik-en bilera
Oilategitik aldizkariak bilera berri bat egingo du gaur iluntzeko 20:30etan. Bilera Kultur Etxean izango da eta bertara aldizkarian parte hartu nahi duen edonor joan daiteke. Bilera honetan aurtengo edizioaren azken xehetasunak zehaztuko dira.
