ANTZUOLA
Kukumarro lehiaketak bederatzigarren edizioa beteko du aurten
23.04.08 -
ANTZUOLA. DV. Kukumarro lehiaketarako deialdia egin du Udaleko kultur batzordeak bederatzigarren urtez jarraian. Aurkeztutako lanak Herriko Plazan erakutsiko dira datorren maiatzaren 17an, San Isidro ospatuko den zapatuan.
Maiatzaren 12a da izena emateko azken eguna. Edadearen araberako hiru maila bereizi dituzte antolatzaileek: hamabi urtera artekoak, hamabi urtetik gorakoak eta jubilatuak. Gehienez bost lagunek osatu ahal izango dituzte taldeak eta parte-hartzaileen artean sariak banatuko dira Herriko Plazako erakusketaren ondoren.
Jai batzordea
Herriko jaien batzordeak bigarren bilera egingo du bihar, eguena, arratsaldeko zazpietan hasita udaletxeko batzorde gelan, hau da, beheko solairuan.
Nahiz eta aurreko osteguneko bileran ez parte hartu, jai batzordeko ateak zabalik daude herritar guztientzat, Udaletik azaldu dutenez.
