ZARAUTZ
Playback eta High school musical ikuskizunerako izen emateak
22.04.08 -
ZARAUTZ. DV. Gaztelekuak jakinarazten du Playback-ean eta High school musical-en parte hartzeko izenak apirilaren 27 rako eman behar direla. Playback ekainak 21ean, larunbata, arratsaldeko 16.00tatik aurrera, kantxan izango da. Parte hartzeko gutxienik 12 urte eduki behar dira. High School Musical ikuskizuna ere ekainaren 21ean aurkeztuko da. Izena eman ondoren, Gaztelekuan kasting-baten bitartez aukeraketak egingo dira. Ondoren partaideak aukeratutakoan prestakuntza saioak asteartetan eta ostiraletan izango dira Gaztelekuan guztiz doan 17.00tatik 19.00etara.
Bestalde, martxan dira urte garai honetarako antolatu diren ikastaro desberdinak. Honela gaur bertan hasiko da lerrokako patinen ikastaroa, ekainaren 17ra arte luzatuko den ikastaroa; pasa den astean eman zitzaion hasera funky ikastaroari; apirilaren 28an bestalde, break dance ikastaroa hasiko da eta apirilaren 28tik ekainaren 18ra perkusio eta dantza afrikarraren ikastaroa luzatuko da; ondoren, apirilaren 29tik aurrera sendabelarren ikastaroa iragartzen da; apirilaren 25tik ekainaren 18ra, masaje erlaxanteeen ikastaroa; lehenengo sorospenen ikastaroa ere burutuko da apirilaren 15etik ekainaren 18 eta pitxien tailerra ekainaren 3a bitartean.
Bestalde, datorren igandean, apirilak 27, Karelean taldearen kontzertua izango da gazteleku bertan eta maiatzaren 23an, Gaztemaniak-eko kontzertua. Azkenik, ekainaren 21ean goian aipatutako playback eta High School music ikuskizuna.
