ITSASONDO
Itsasondoko I. Herri Krosa eta tortila leihaketa gaur eguerdian
20.04.08 -
ITSASONDO. DV. Amaitzear den aste honetan, Itsasondon Kultur Astea ospatu da. Baina oraindik ez da amaitu, eta gaur 11:00etan Itsasondoko I. Herri Krosa egingo da herriko etxebizitza berrietara bizitzera etorri diren biztanle berriek antolatuta. Aste guztian zehar zegoen izen emateko aukera, baina gaur arte horretarako betarik izan ez dutenek, 10:30etik aurrera izango dute aukera herriko plazan, lasterketa hasten den arte. Bi mailatan leiha daiteke lasterketan. Batetik, Itsas taldea egongo da, eta 3 km-ko saioa egingo dute hauek; bestetik, Ondo taldean kilometro bateko korrika saioa egingo da. Talde batean zein bestean izen emateko ez da mugarik jarri.
Krosa behin amaituta, eta sariak banatuta, patata tortila pintxo lehiaketa egingo da plazan. Parte hartzeko baldintza bakarra zartagia eta sua norberak eramatea da. Ekitaldi hau amaitzearekin batera, amaituko da Itsasondoko Kultura Astea.
