IDIAZABAL
Areto futboleko senior neskak elkarren aurka arituko dira gaur
IDIAZABAL. DV. Idiazabalgo Garabiko senior nesken A eta B taldeek elkarren aurka jokatuko dute gaur 20:30ean Zelaako kiroldegian. Senior mutilek, berriz, bihar jokatuko dute 16:30ean Anoetako Gazte Asanblada taldearen aurka, Anoetako kiroldegian.
Pasa den asteburuan, hiru taldeetatik Garabi Bk bakarrik irabazi zuen Tolosako taldearen aurka, 2-0. Golegileak Aintzane Irizar eta Leire Iparragirre izan ziren. Senior mutilek 3-4 galdu zuten Astigarragako taldearen aurka.Golegileak Aritz Ugarte eta Ibon Urkia izan ziren ,azken hau bi golekin. Eta Garabi Akoek 4-2 galdu zuten,Tolosan.Golegileak Joana Prados eta Nerea Garcia izan ziren.
Axari bertso sariketa
Gaur 20:30ean ospatuko da XI Axari bertso sariketa. Afalostean burutuko da bertso saioa Axari Elkartean, Izar Mendiguren, Hodei Iruretagoiena, Patxi Iriart, Uxue Alberdi, Jone Uria eta Mizel Mateorekin. Afariako txartelak ohiko lekutan izango dira salgai. Atea zabalik izango dira, afalostean bertsoak entzutera inguratu nahi dutenentzat.
