elgoibar
Mikel Urdangarinen emanaldia gaur Elgoibarren
Mikel Urdangarin abeslaria.
ELGOIBAR. DV. Gaur, gaueko 22:15ean hasita, Mikel Urdangarin kantautore bizkaitarrak bere bederatzigarren diskoa, Anek idatzi dit zutaz, aurkeztuko du Elgoibarko Herriko Antzokian.
Azken diskoko abesti batzuk Mikel Urdangarinek berak idatzi ditu baina beste abesti batzuen letrak bertsolari eta idazle ezagunak egindakoak dira, Jon Maia, Unai Iturriaga, Iñaki Aurrekoetxea, Igor Elortza... Azken bi urteetako bizipenak, bereak eta inguruko jendearenak, bildu ditu musikariak lan honetan.
Gaurko kantaldian zuzenean parte hartuko duten taldeko kideak honakoak dira: Rafa Rueda (gitarra elektrikoa), Bingen Mendizabal (biolina), Nika Bitchiasvili (biolina), Saihel (bateria), Koldo Uriarte (teklatua) eta Mikel Urdangarin bera (ahotsa eta gitarra).
Sarreren salmenta martxa oso ona izan du azkenengo aste hauetan, eta dudarik gabe gaur Herriko Antzokia itxura oso ona izango du Mikel Urdangarinen emanaldian zehar.
